Plattdütsche Eck - die pattdeutsche Sprache bewahren

De Bürgervereen will sick dorför insetten, datt in Wordnborg de plattdütsche Sprack erholen blieben deit.

Op use Siet kann man den eenen oder annern Riemel lesen und den eenen oder annern Link na anner Sieten finnen. Wer platt schnacken kann und ok will, dat de Sprok nicht utstarben deit, de schall uns anropen oder ne Mail schicken. Wer mithelpen will is von Haarten willkomen.

Vorlesen lassen:	Hören Sie hier die Geschichte vom Dwaschlöper erdacht und erzählt von Günter Götze, Wardenburg
En lütten Riemel:	Een, zwe, der, veer, fief, seß, säben, use Katt hett Junge krägen, eene, witt, eene swatt, eene just at nabers katt.
Plattdeutsch lernen	Lust die plattdeutsche Sprache näher kennen zu lernen? Die VHS bietet Kurse an. Hier geht's zur Anmeldeliste:
PlattArt	2017 wurde wieder geslamt, gesungen, gemeckert, gerockt, getanzt, geschrieben, gegessen, geliebt und gelebt – tosomen, op Platt! Hier geht's zur Internetseite von Plattart:
und noch`n Riemel:	Jan de is in Graben fullen und ist klitschenatt. Wenn he nu no hus hin kummt, denn gift dat seker wat. Vadder hett een dicken Stock und ist ock just in Jungedi, wat freit mi dat, dat ick Jan nich bin. (Hans Westing)
	In heel besunner Situation is Hülp nödig von Walter Helmerichs Dat is al´n paar Johr her? Weer an´n ganz heten Sömmerdag. Mien Fro keem jüst van Ollnborg trügg. Se weer bi’n Putzbüdel wään. „Donner un Doria“, sä ik to ehr, „de hett di aver fein torecht maakt. Sühst ut as´n junge Deern!“ Anners keem mien Fro ümmer so vergnöögt wedder na Huus, aver nu...? „Wat is mit di? Kannst de Warmte nich af oder is di´n Luus över de Läver lopen?“ segg ik so. „Junge, Junge, ik hebb dor in Ollnborg wat beleevt...!“ Un do vertellt se: „Van’n Frisöör muss ik noch´n Weg maken na´n Pekol. Do keem ik an’n Speelplatz vörbi. Dor toofte ’n ganz Köppel Kinner herüm, weer´n woll so bi veer, fief Johr oolt. De meisten harrn blot ’n Badebüx an, de ganz Lüttjen lepen naakt rüm. Ik hebb mi dat bunte Leven ne ganze Tiet ankäken. Aver wat weer dat dor, up de ene Siet van den Späälplatz? Dor stunn ’n Köppel Kinner in´n Kring. Un in´ne Mitt, dor leeg ’n lüttjen Jung. Aver wat weer mit üm? Ik kunn’t eerst gor nich richtig sehn. He harr kiene Arms! Dor, wo bi de annern Kinner de Arms sitten doot, weern bi üm man blot lüttje Fingers anwussen. Dat Kind weer woll so up de Welt kamen. Un de annern Kinner, wat maken de? Se stötten den lüttjen Jung ümmer an. De full denn överkopp in’n Sand un versööch wedder hochtokamen. Aver de arme Keerl harr jo kien Arms un kien Hannen! He sett sik eerst up de Knee. Un wenn he denn ganz hochkamen wull, kreeg he wedder ’n Schups. Bums, leeg he wedder in’n Sand. Un de annern Kinner klatschen in´ne Hannen un freiden sik. Un de arme Jung: He blarrde nich mal, he kenn dat woll gor nich anners! Ik kunn’t nich mit ankieken“, sä mien Fro, Tranen stunnen ehr inne Ogen. „Ik wull jüst dartwüschen gahn, do kemen gröttere Kinner. Weern woll so nägen Johr oolt. Kemen ut de School, harrn hitzefree krägen. Een Jung, so´n richtigen Swartkopp, de sütt den Spijöök un löppt dor foorts up los.“ „Wull de ok noch...“ fraag ik jüst. In dissen Ogenblick klingelt dat an use Döör. Besöök! Över den lüttjen Jung hebbt wi nich wedder snackt. Aver de Swartkopp, wat hett de woll maakt?

Een grote Froo ut Ostfreesland

von Detmar Dirks

Wi plattdüütsch Schoolmesters weern för een Week in Dreebargen tohoopkamen un wulln – unner dat Leit van Heinrich Diers – noch’n beten tolehrn över Plattdüütsch in’e School. An enen Dag leet us Heinrich Diers weten, dat an’n Namiddag Wilhelmine Siefkes to Besöök keem. Se schull us wat ut ehr Wark vörläsen. Över Wilhelmine Siefkes wuss ik man bloots, dat se in Leer ehr Tohuus harr un to de groten plattdüütsch Schrieverslüüd ut Ostfreesland tellen dee.

De Namiddag weer, dor, wie kemen in dat „Lehrerfortbildungsheim“ tohoop. Wilhelmine Siefkes keem mit Heinrich Diers tohoop döör de Döör un gung na vörn an dat Lääspult. Mit groten Ogen keek ik up de lütt Froo, de dor so gor nich för utsocht weer uptofullen. Keem de up de Straat di in’e Mööt, du kunnst se reineweg översehn.

Doch denn fung se an to läsen, un up’n Slag weer se kien lütt Froo mehr. Nich luut weer ehr Stimm, aver fast un mit veel Geföhl. Dat wat se vördregen dee, dor stund se achter un dat keem bi us an. Ehr Wöör, de drepen us. Van een Deern vertell se, de to Mallöör kamen weer un dat Gesett gegen sik harr; doch een högere Gerechtigkeit stund up ehre Siet. Se vestund dat, us na de Deern un ehre Noot to bringen. Just de Lüüd, de in’n Schadden staht, an de dat Glück vörbilöppt, legg de Schrieversche ut Leer us an’t Hart. Se wull för de Lütten snacken, de wi faken gor nich in’e Kunnen kriegt, na de dat Lecht nich henlangt.

Wo lang hett Wilhelmine Siefkes läsen? Een Stunn? Twee Stunnen? Dat wussen wi nich. Een Froo weer us in’e Mööt kamen, de harr de Tiet, un nich bloots de Tiet, an’e Siet schaven. Ik glööv, all Lüüd, de duntomalen dor mit bi weern, de köönt dissen Namiddag nich vergeten.

Afschreben bi:

http://www.nwzonline.de/snacken

De Tiet fleegt as en Wulk vörbi

dat Johr geit up de lesde Tuur

sinniger angahn laten willt wi

Puust halen for een niege Spuur.

De Tiet, dat ist de Ogenblick

wohrhaftig gau de Tiet is üm

dat niege Johr mit gode Sicht

veel Levenslust för alle Stünn.

För't niege Johr een goot Programm

künt gahn kandider up de Straten

dien Levenstiet, de Peer spann an

dat gah jo good bi alle Saken.

Enfach mol rinhören:

Plattsounds ist ein Wettbewerb für junge Musiker/innen und Bands aus Niedersachsen.

Bands wie "Fettes Brot" und "De Fofftig Penns" haben erfolgreich gezeigt, dass Plattdeutsch und moderne Musik gut zusammenpassen.

Deswegen sind bei Plattsounds alle Musikrichtungen willkommen: Von HipHop, Singer-Songwriter, Pop, Rock, Indie, Metal, Punk bis Reggae.

Das Plattsounds Bandfestival findet am 28. Oktober 2017 in Celle statt.

http://www.plattsounds.de/ruckblick.html

Nach oben

In heel besunner Situation is Hülp nödig

Een grote Froo ut Ostfreesland